ថ្ងៃព្រហស្បតិ៍ ទី២២ ខែមេសា ឆ្នាំ២០២១
គេហទំព័ររស្មីជាយដែន | ទំនាក់ទំនងចាងហ្វាងការផ្សាយៈ 012 52 90 99
សកម្មភា​ពបទល្មើស ដឹកជញ្ជូនឈើ យ៉ាងគគ្រឹកគគ្រេង ពេលអ្នកសារព័ត៌មាន ខលធ្វើបទ​សម្ភាសន៍ បែជាមន្ត្រីជំនាញ​ឆ្លើយថាគ្មាន​បទល្មើស
Mon,06 July 2020 (Time 05:01 PM)
ដោយ ៖ រស្មីជាយដែន (ចំនួនអ្នកអាន: 441នាក់)


ខេត្តសៀមរាប៖បើយោងតាមសេចក្តីរាយ​ការណ៍ការពីខេត្តសៀមរាបមកថា៖ថ្មីៗនេះ បទល្មើសព្រៃ​ឈើកំពុង​កក្រើកឡើងវិញហើយ បើតាមប្រភពពីប្រជាពលរដ្ឋ បានឲ្យអង្គភាពគេហទំព័រ​«រស្មីជាយ​ដែន»​យើងដឹងថា មេឈ្មួញកំ​ពុងដឹកជញ្ជូនឈើខុ​សច្បាប់តាមរថយន្តត្រេអ៊ី របស់ឈ្មោះ ហុល បាន​ដឹក​ជញ្ជូនឈើចេញពី​ខេត្តព្រះវិហារ ឆ្លងកាត់ស្រុកស្វាយលើ បានធ្វើសកម្មភាពដឹកឈើប្រណិត​ខុស​ច្បាប់ ចូលមកខេត្តសៀមរាប ស្ទើររៀងរាល់យប់ ចំណែកលោក ម៉ុង ប៊ុនលីម នាយខ​ណ្ឌ​រដ្ឋបាល​ព្រៃឈើខេត្ត មិនហ៊ានចេញមុខមកបង្ក្រាប ឬមួយមានអាថ៍កំបាំងអ្វីនៅពីក្រោយ នៃ បទ​ល្មើស​ព្រៃឈើនេះ។

តាមប្រភពពីសមត្ថកិច្ចម្នាក់ ដែលស្អប់ខ្ពើមក្រុមឈ្មួញរកស៊ីកាប់បំផ្លាញព្រៃឈើ និង មន្ត្រីពុក​រលួយ​បានឲ្យសារព័ត៌មានយើងដឹងថា មេឈ្មួញឈ្មោះ ហុល តែងតែដើរ​អួតក្តែងៗ​ថា ខ្លួនមានខ្នងបង្អែក​ប៉េ​អឹមឈ្មោះ ហុង ជាអ្នកកាងឱ្យ ទើបខ្លួនធ្វើសកម្មភាព​ដឹកជញ្ជូនឈើ​មិនកោតញញើត​មន្ត្រីជំ​នាញ​។

សូមបញ្ជាក់ផងដែរថា៖ តាមប្រភព នៃការដឹកជញ្ជូន​ឈើតាមរយៈ​រថយន្តត្រេអ៊ីនេះ គឺឆ្លងកាត់​ទីស្នាក់ការស្រុក​ស្វាយលើ ដោយបានចូលមកខេត្តសៀម​រាបនេះយ៉ាងរលូន ហើយយកមក ចែក​ចាយតាមដេប៉ូក្នុងខេត្តសៀមរាបជារៀងរាល់ថ្ងៃ។

ទោះជាយ៉ាងមហាជនបានធ្វើការរិះ​គន់ទៅលើលោក ម៉ុង ប៊ុនលីម នាយខណ្ឌរដ្ឋ​បាលព្រៃឈើ និង លោ​ក ទាគឹម សុទ្ធ ប្រធានមន្ទីរក​សិកម្មថា សង្ស័យ​ត្រូវដងត្រូវផ្លែ​ជាមួយ​ក្រុមឈ្មួញ​បទល្មើស​ព្រៃឈើ​នេះ ហើយមើលទៅទើបមិនហ៊ានបង្ក្រាបយ៉ាងដូច្នេះ។

ពាក់ព័ន្ធការចោ​ទប្រកាន់ដូចខាងលើអង្គភា​ពគេហទំព័រ«រស្មីជាយដែន»យើងនៅរសៀលថ្ងៃទី៦ ខែ​កក្កដា ឆ្នាំ២០២០ បានខលទៅលោក ម៉ុង ប៊ុនលីម នាយខណ្ឌរដ្ឋបាល​ព្រៃឈើ​លោកបាន​ប្រាប់តាមរយ:ទូរស័ព្ទថា៖គឺសព្វថ្ងៃពុំមា​នបទល្មើសព្រៃឈើនោះទេ លោកបានបញ្ជាក់ទៀតថា នៅកន្លែងរបស់លោក គឺមានគណៈកម្មការឯ​កភាពខេត្តផង ស្រុកផង ប៉ូលីស ប៉េអឹមជំ​នាញរដ្ឋបាល​ព្រៃឈើ និងមានបងប្អូនអ្នក​សារព័ត៌មាន បានចូលរួមសហការជាមួយលោ​កជារៀងរាល់ថ្ងៃផងដែរ។

ដោយឡែកនៅ​ថ្ងៃដដែលអង្គភាពយើងក៏​បានខលទៅលោក ទា គឹមសុទ្ធ ប្រធានមន្ទីរកសិកម្ម បាន​ឲ្យដឹងថា៖ បើមានបទល្មើសព្រៃឈើ សូមខលប្រាប់​លោក លោកនឹង​ដាក់កម្លាំងដើម្បី​ធ្វើការទប់​ស្កាត់​ភ្លាម៕

ព័ត៌មានគួរចាប់អារម្មណ៍

អភិបាលខេត្តកំពង់ចាម បើកកិច្ចប្រជុំបន្ទាន់ ពាក់ព័ន្ធករណីកម្មករ កម្មការីនី ប៉ះពាល់​នឹងអ្នក​ជំងឺកូវី​ដ-១៩ រស់នៅស្រុក​ពារាំង (រស្មីជាយដែន)

ព័ត៌មានគួរចាប់អារម្មណ៍

ជនជាតិវៀតណាម​ចំនួន​០៧នាក់(ស្រី០៥នាក់) ត្រូវបានឃាត់ខ្លួនបញ្ជូនទៅធ្វើចត្តាឡីស័ក ដោយ​ឡែកជ​នជាតិខ្មែរជាអ្នកផ្តល់ម​ធ្យោបាយនាំផ្លូវ ត្រូវបាន​កសាងសំណុំ​រឿងបញ្ជូនទៅតុលាការ ដើម្បីចា​ត់ការបន្ត (រស្មីជាយដែន)

ព័ត៌មានគួរចាប់អារម្មណ៍

ឯកឧត្តម គង់ សោភ័ណ្ឌ បញ្ជាដល់ក​ងកម្លាំងទាំងបី អាជ្ញាធរក្រុងតាខ្មៅ ត្រូវបន្តអ​នុវត្តដាច់​ខាតនូវ​សេ​ចក្ដីស​ម្រេច​របស់រាជរដ្ឋាភិបាល ដើម្បីទប់ស្កាត់ការឆ្លងរាល​ដាលនៃជំងឺកូវីដ-១៩ (រស្មីជាយដែន)

ព័ត៌មានគួរចាប់អារម្មណ៍

អាជ្ញាធរ​ក្រុងប៉ោយ​ប៉ែត បន្តចុះ​ណែនាំ​ដល់​អាជីវករ​លក់ដូរនៅតាមផ្សារ ក្នុង​ភូមិ​សាស្ត្រ​ក្រុងប៉ោយប៉ែត​ឲ្យអនុវត្ត​តាមវិធាន​កា​ររបស់ប្រមុខរាជរដ្ឋាភិបាល (រស្មីជាយដែន)

ព័ត៌មានគួរចាប់អារម្មណ៍

អភិបាលខេត្តបន្ទាយមានជ័យ ចុះណែនាំដល់ប្រ​ជាពលរដ្ឋ និង​អាជីវករលក់ដូរនៅ​ក្នុងផ្សារ​មង្គលបូរី ​ឲ្យ​អនុវត្តតាមវិធាការ​របស់ក្រសួងសុខា​ភិបាល និង​ប្រមុខរាជរដ្ឋាភិបាលកម្ពុជា ​ឲ្យបានខ្ជាប់ខ្ជួន (រស្មីជាយដែន)

វីដែអូ

ចំនួនអ្នកទស្សនា

ថ្ងៃនេះ :
9604 នាក់
ម្សិលមិញ :
7065 នាក់
សប្តាហ៍នេះ :
47970 នាក់
ខែនេះ :
233475 នាក់
3 ខែនេះ :
732181 នាក់
សរុប :
2982683 នាក់