ថ្ងៃអង្គារ៍ ទី០៧ ខែកក្កដា ឆ្នាំ២០២០
គេហទំព័ររស្មីជាយដែន | ទំនាក់ទំនងចាងហ្វាងការផ្សាយៈ 012 52 90 99 / 088 44 50 068
ឯកឧត្តម ​ជាវ តាយ អភិបា​លខេត្តកំពត ចុះត្រួត​ពិនិត្យគុ​ណភាព និងលក្ខណៈ​បច្ចេកទេស នៃកា​រស្ថាបនា​ផ្លូវបេតុង កំណាត់ផ្លូវជាតិលេខ៣
Fri,26 June 2020 (Time 07:53 AM)
ដោយ ៖ រស្មីជាយដែន (ចំនួនអ្នកអាន: 28នាក់)


ខេត្តកំពត៖ដើម្បីធា​នាគុណភាពផ្លូវ​ឲ្យបាន​រឹងមាំតាមស្តង់ដារ ​អាចប្រើប្រាស់ជាប់បានយូរអង្វែង កាល​ពីថ្ងៃព្រហស្បត្តិ៍ ៥កើត ខែអាសាឍ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី២៥ ខែមិថុនា ឆ្នាំ២០២០ ឯកឧត្តម ជាវ តាយ អភិបាល នៃគណៈអភិបាលខេត្ត បានអញ្ជើញដឹកនាំមន្ទីរ អង្គភា​ពពាក់ព័ន្ធ និងក្រុមបច្ចេកទេ​សជំនាញរបស់រដ្ឋបាលខេត្ត ក្នុងនោះ​ក៏មាន​ការចូលរួម​តំណាង​ក្រុមហ៊ុន​ម៉ៅកា​រសាងសង់ ក្រុមហ៊ុនទីប្រឹក្សា​បច្ចេកទេស និងមន្ត្រីនៃម​ន្ទីរសាធារណការ និងដឹក​ជញ្ជូនខេត្តកំពត ចុះត្រួតពិនិ​ត្យគុណភាព និងល​ក្ខណៈបច្ចេកទេសនៃ​ការស្ថាបនាផ្លូវបេតុងប្រវែង ១១០០ម៉ែត្រ ទទឹង១២,៨ម៉ែត្រ កម្រាស់២,៤តឹក កំណាត់ផ្លូវជាតិលេខ៣។

សូមជំរាបផងដែរថា គម្រោងស្ថាបនាផ្លូវបេតុងចា​ប់ពីភ្លើងស្តុបផ្លូវ​បំបែកផ្សារសាមគ្គី ទៅដល់ផ្លូវរ​ថភ្លើង គឺជាគម្រោងផ្លូវស្ថាប​នាបេតុងសរសៃដែក មានប្រវែង១១០០ម៉ែត្រ ទទឹង១២,៨ម៉ែត្រ កម្រា​ស់២,៤តឹក ដាំដើម​ឈើសងខាងផ្លូវ រៀបចំខឿន ការ៉ូឡាអមសងខាងផ្លូវប្រវែង២ម៉ែត្រ សាងស​ង់​ដោយក្រុមហ៊ុនចិន CRBC ត្រួតពិនិត្យលក្ខ​ណៈបច្ចេកទេសដោយក្រុមហ៊ុនWACC ។

ឯកឧត្ដម អភិបាលខេត្ត បានឱ្យដឹងថា រដ្ឋបាលខេត្ត នឹងជម្រុញការងារ​សាងសង់ស្ថាបនា​ផ្លូវបេតុង​សរ​សៃដែកនេះ ឲ្យលឿន ដើម្បីជួយសម្រួលដល់ការធ្វើដំណើរ និងដឹកជញ្ជូន​ទំនិញឆ្លង​កាត់ក្រុង​កំពត ឱ្យបានឆាប់រហ័ស ចំណេញពេលវេលា និងកាត់បន្ថយការកកស្ទះចរាចរណ៍។

បច្ចុប្បន្ននេះ រយៈពេល១ខែហើយ ក្រុមហ៊ុនបានមកស្ថាបនាផ្លូវបេតុង ហើយក្រុមហ៊ុនមានបញ្ហាប​ច្ចេកទេសមួយចំនួនទា​ក់ទងនឹងការសាងសង់ មានភា​ពយឺតយ៉ាវខ្លាំង ខ្វះគ្រឿងចក្រ ហើយក្រុ​មហ៊ុនចាក់​បេតុងបានតែ៣០ម៉ែត្រ បេតុងគ្មានគុណភាព ១១ម៉ែត្រ ត្រូវវាយចោល ធ្វើឡើងវិញ ជាពិ​សេសការដឹកជញ្ជូនបេតុងគ្មានគ្រឿងចក្រគ្រប់គ្រាន់ ប្រើឡានតូចដឹកជញ្ជូនបេតុង គ្មានគ្រឿង​ចក្រស​ម្រាប់បាញ់បេតុង នាំឲ្យការងារមាន​ភាពយឺតយ៉ាវ។

ជាមួយគ្នានោះផងដែរ ឯកឧត្ដមអភិបាលខេត្ត ក៏បានណែនាំឱ្យក្រុមហ៊ុនម៉ៅការសាងសង់ ក្រុមហ៊ុន​ទី​ប្រឹក្សាបច្ចេកទេស និងភាគីពាក់ព័ន្ធសហការគ្នាកែសម្រួលលក្ខណៈបច្ចេកទេសឱ្យបានត្រឹមត្រូវ ជាពិសេ​សត្រូវអនុវត្តការ​ងារឲ្យបានរហ័ស ទាន់រដូវវស្សាចូលមកដល់៕

ព័ត៌មានគួរចាប់អារម្មណ៍

លោក​ គីម រិទ្ធី និងលោកំទាវ ព្រមទាំងមន្ទីរជុំវិញខេត្ត បានប្រគេនទៀន​ព្រះវស្សា និងទេយ្យវត្ថុ​ដល់​ព្រះសង្ឃ កំពុងគង់ចាំព្រះវស្សាចំនួន៣២វត្ត ក្នុងស្រុកស្អាង (រស្មីជាយដែន)

ព័ត៌មានគួរចាប់អារម្មណ៍

បុរសម្នាក់ ត្រូវបានកម្លាំងនគរបា​លក្រុងតាខ្មៅឃាត់ខ្លួន ក្រោយ​ពេលសមគំនិតជួយលក់ម៉ូតូឲ្យចោរ ហើយប៉ះចំម៉ូតូ របស់​បងប្អូនជីដូនមួយរបស់ខ្លួនឯង (រស្មីជាយដែន)

ព័ត៌មានគួរចាប់អារម្មណ៍

មនុស្សចំនួន៥នាក់ ក្នុងនោះ២នាក់បានស្លាប់ ដោយសាររន្ទះបាញ់ ខណៈមេឃភ្លៀង​ ជ្រក​ក្នុងរោង​កន្លែង​ពុះ​ដីឡូតិ៍​លក់មួយកន្លែង នៅសង្កាត់ទឹ​កថ្លា (រស្មីជាយដែន)

ព័ត៌មានគួរចាប់អារម្មណ៍

ឯកឧត្តម ទេសរដ្ឋមន្ត្រី គន់គីម អញ្ជើញជាអធិបតីក្នុងពិធី​ប្រកាសផ្ទេរ ប្រគល់មុខ​តំ​ណែ​ង ជូនប្រធានគណៈកម្មាធិការសមាគម អតីតយុទ្ធជន​កម្ពុជា​ខេត្តបាត់ដំបង (រស្មីជាយដែន)

ព័ត៌មានគួរចាប់អារម្មណ៍

សាខាកាកបាទក្រហមកម្ពុជា ខេត្តកំពង់ឆ្នាំង ប្រគល់អាវ​ពោងសុវត្ថិភាព ដល់លេខា​ធិកា​រគ្រប់​គ្រង​គ្រោះ​មហន្ត​រាយខេត្ត និងសមត្ថកិច្ច​ពា​ក់ព័ន្ធ (រស្មីជាយដែន)

វីដែអូ

ចំនួនអ្នកទស្សនា

ថ្ងៃនេះ :
4492 នាក់
ម្សិលមិញ :
2848 នាក់
សប្តាហ៍នេះ :
25265 នាក់
ខែនេះ :
123821 នាក់
3 ខែនេះ :
351059 នាក់
សរុប :
860357 នាក់