ថ្ងៃអង្គារ៍ ទី០៧ ខែកក្កដា ឆ្នាំ២០២០
គេហទំព័ររស្មីជាយដែន | ទំនាក់ទំនងចាងហ្វាងការផ្សាយៈ 012 52 90 99 / 088 44 50 068
អ្នកស្រីលីម៉ាលីម្ចាស់ផ្សារ៉ាថ្មីប៉ោយប៉ែតរងការរិះគន់ថា ចាក់ដីលុបស្រះដែលបន្សល់ទុកតាំងពីសម័យឆ្នាំ១៩៧០ យកធ្វើជាកម្មសិទ្ធិផ្ទាល់ខ្លួន........
Thu,09 January 2020 (Time 10:47 AM)
ដោយ ៖ សហការី (ចំនួនអ្នកអាន: 175នាក់)


បន្ទាយមានជ័យ÷ កាលពីថ្ងៃទី០៧ ខែមករា ឆ្នាំ២០២០ អង្គភាពគេហទំព័រ រស្មី ជាយដែន យើងបានទទួលព័ត៌មានពីប្រជាពលរដ្ឋម្នាក់ឈ្មោះ ចាប សារុន អាយុ៥០ ឆ្នាំ រស់នៅភូមិខ្លាកូនចាស់ សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ បានអោយដឹងថា៖ អ្នកស្រី លី ម៉ារី ដែលត្រូវបានគេស្គាល់ថា បច្ចុប្បន្នជាម្ចាស់ផ្សាររ៉ាថ្មីប៉ោយប៉ែត ស្ថិតនៅក្រុងប៉ោយប៉ែត បានកំពុងចាក់ដីលុបស្រះដែលបន្សល់ទុកតាំងពីសម័យឆ្នាំ១៩៧០ យកធ្វើជាកម្មសិទ្ធិផ្ទាល់ខ្លួន និងបានឃុបឃិតគ្នាជាប្រព័ន្ធលួចធ្វើប្លង់កាន់កាប់ដីរបស់គាត់និងប្រជាពលរដ្ឋមួយចំនួនទៀត។ ទីតាំងលុបរំលោភយកដីស្រះនេះស្ថិតនៅក្បែរផ្ទះឯកឧត្តម អ៊ុំ រាត្រី អភិបាលខេត្តបន្ទាយមានជ័យ។

លោក ចាប សារុន បានបន្តថា ដំបូងឡើយនៅឆ្នាំ១៩៩១ គាត់និងគ្រួសាររបស់គាត់ ព្រមទាំងប្រជាពលរដ្ឋខ្មែរមួយចំនួនទៀតបានមកនាំគ្នាមករស់នៅលើចំនុចបន្ទាយសេអុីកាត់ (កាត់៤) និងបានកាន់កាប់ព្រមទាំងអាស្រ័យផលលើដីប្រហែលជាង១រ៉ៃ លុះក្រោយមកបានបរិច្ចាគអោយទៅឈ្មោះ ទិត្យ លេក ដែលត្រូវជាប្តីរបស់អ្នកស្រី លី ម៉ារី ចំនួន១រ៉ៃដើម្បីសាងសង់សាលារៀន។ លោក ចាប សារុន បន្តថា លុះក្រោយមកអត់ឃើញមានការសាងសង់សាលារៀននោះទេ បែរជានៅឆ្នាំ១៩៩៨ លោក ទិត្យ លេក លួចឃុបឃិតគ្នាទៅធ្វើលិខិតកាន់កាប់ដីមួយនេះយកធ្វើជាកម្មសិទ្ធផ្ទាល់ខ្លួនទៅវិញ ហើយថែមទាំងទិញដីពីពលរដ្ឋមួយចំនួនបន្ថែមទៀត និងរំលោភយកពីពលរដ្ឋមួយចំនួនទៀតផងដែរ ដោយបច្ចប្បន្នសរុបផ្ទៃដីនៅក្នុងប្លង់ដីរបស់អ្នកស្រី លី ម៉ារី មានទំហំរហូតដល់ទៅ១៣០០០ម (មួយមុឺនបីពាន់ម៉ែត្រការ៉េ) ដោយក្នុងនោះគឺរំលោភយកទាំងដីស្រះ និង ដីរបស់គាត់មួយចំនួនទៀតផងដែរ ។ លោកបន្តថា បច្ចុប្បន្នដីដែលប៉ះជាមួយពលរដ្ឋមួយចំនួនគឺបានដោះស្រាយតាមគោលនយោបាយរួចរាល់ហើយនៅឡើយតែខាងក្រុមគ្រួសាររបស់គាត់ប៉ុណ្ណោះដែលអ្នកស្រី លី ម៉ារី មិនទាន់ដោះស្រាយអោយសមស្របទៅតាមតំលៃដែលគាត់ចង់បាន។

ជុំវិញរឿងរ៉ាវដូចខាងលើនៅរសៀលថ្ងៃទី០៧ ខែមករា ឆ្នាំ២០២០ដដែល អ្នកស្រី លី ម៉ារី បានអនុញាតអោយសារព័ត៌មានយើងចូលទៅជួបនៅស្នាក់ការរបស់គាត់នៅក្នុងផ្សាររ៉ាថ្មីប៉ោយប៉ែត។ ក្នុងនោះអ្នកស្រីក៏បានអះអាងថា មិនពិតដូចការចោទប្រកាន់នោះទេ ហើយដីទាំងនោះរួមទាំងដីស្រះដែលគាត់បានកំពុងបញ្ជារគ្រឿងចាក់អោយចាក់ដីលុបនោះ គឺជាដីស្របច្បាប់របស់គាត់ព្រោះថា គាត់មានប្លង់ដីកាន់កាប់ត្រឹមត្រូវ ហើយដីនោះមិនមែនលោក ចាប សារុន ជាអ្នកបរិច្ចាគផងដែរ។ ដោយឡែកអ្នកស្រីបានអះអាងថា គឺលោក ចាប សារុន និងបក្សពួកទេជាអ្នកទៅសង់លំនៅដ្ឋានបំពានលើដីរបស់គាត់ ហើយម្យ៉ាងវិញទៀតផ្ទះនិងដែលកំពុងមានទំនាស់ជាមួយលោក ចាប សារុន ដែលមិនទាន់ដោះស្រាយនោះ គឺអ្នកស្រីកំពុងតែរង់ចាំសាលក្រមអនុវត្តន៍រុះរើតែប៉ុណ្ណោះ គឺអ្នកស្រីមិនដោះស្រាយអោយនោះទេ ព្រោះដីនោះជាដីរបស់អ្នកស្រី។

ទោះបីជាមានការបកស្រាយរវាងភាគីទាំងសងខាងយ៉ាងណាក៏ដោយ សូមអំពាវដល់ឯកឧត្តម អ៊ុំ រាត្រី និងស្ថាប័នពាក់ព័ន្ធមួយចំនួនទៀតគួរតែបើកការស៊ើបអង្កេតអោយបានសុីជម្រៅថា ដីនោះមានបញ្ហាអ្វី និងអ្នកណាជាម្ចាស់ដីយ៉ាងពិតប្រាកដដើម្បីផ្តល់នូវភាពយុត្តិធម៌ជួនជនរងគ្រោះ៕

ព័ត៌មានគួរចាប់អារម្មណ៍

លោក​ គីម រិទ្ធី និងលោកំទាវ ព្រមទាំងមន្ទីរជុំវិញខេត្ត បានប្រគេនទៀន​ព្រះវស្សា និងទេយ្យវត្ថុ​ដល់​ព្រះសង្ឃ កំពុងគង់ចាំព្រះវស្សាចំនួន៣២វត្ត ក្នុងស្រុកស្អាង (រស្មីជាយដែន)

ព័ត៌មានគួរចាប់អារម្មណ៍

បុរសម្នាក់ ត្រូវបានកម្លាំងនគរបា​លក្រុងតាខ្មៅឃាត់ខ្លួន ក្រោយ​ពេលសមគំនិតជួយលក់ម៉ូតូឲ្យចោរ ហើយប៉ះចំម៉ូតូ របស់​បងប្អូនជីដូនមួយរបស់ខ្លួនឯង (រស្មីជាយដែន)

ព័ត៌មានគួរចាប់អារម្មណ៍

មនុស្សចំនួន៥នាក់ ក្នុងនោះ២នាក់បានស្លាប់ ដោយសាររន្ទះបាញ់ ខណៈមេឃភ្លៀង​ ជ្រក​ក្នុងរោង​កន្លែង​ពុះ​ដីឡូតិ៍​លក់មួយកន្លែង នៅសង្កាត់ទឹ​កថ្លា (រស្មីជាយដែន)

ព័ត៌មានគួរចាប់អារម្មណ៍

ឯកឧត្តម ទេសរដ្ឋមន្ត្រី គន់គីម អញ្ជើញជាអធិបតីក្នុងពិធី​ប្រកាសផ្ទេរ ប្រគល់មុខ​តំ​ណែ​ង ជូនប្រធានគណៈកម្មាធិការសមាគម អតីតយុទ្ធជន​កម្ពុជា​ខេត្តបាត់ដំបង (រស្មីជាយដែន)

ព័ត៌មានគួរចាប់អារម្មណ៍

សាខាកាកបាទក្រហមកម្ពុជា ខេត្តកំពង់ឆ្នាំង ប្រគល់អាវ​ពោងសុវត្ថិភាព ដល់លេខា​ធិកា​រគ្រប់​គ្រង​គ្រោះ​មហន្ត​រាយខេត្ត និងសមត្ថកិច្ច​ពា​ក់ព័ន្ធ (រស្មីជាយដែន)

វីដែអូ

ចំនួនអ្នកទស្សនា

ថ្ងៃនេះ :
4444 នាក់
ម្សិលមិញ :
2848 នាក់
សប្តាហ៍នេះ :
25217 នាក់
ខែនេះ :
123773 នាក់
3 ខែនេះ :
351011 នាក់
សរុប :
860309 នាក់