ថ្ងៃព្រហស្បតិ៍ ទី២២ ខែមេសា ឆ្នាំ២០២១
គេហទំព័ររស្មីជាយដែន | ទំនាក់ទំនងចាងហ្វាងការផ្សាយៈ 012 52 90 99
បុរសរត់ម៉ូតូឌុបម្នាក់ត្រូវចោរចាក់ប្លន់យកម៉ូតូបានដោយសុវត្ថិភាព.....
Wed,30 October 2019 (Time 08:00 AM)
ដោយ ៖ លោក ចាន់ ពុធ (ចំនួនអ្នកអាន: 842នាក់)


(ក្រុងប៉ោយប៉ែត)

បុរសរត់ម៉ូតូឌុបម្នាក់ត្រូវបានចោរប្លន់យកម៉ូតូបានដោយសុវត្ថិភាព។ ករណីនេះបង្ករការភ្ញាក់ផ្អើលទាំងយប់វេលាម៉ោងប្រហែល១០ ថ្ងៃទី២៩ ខែតុលា ឆ្នាំ២០១៩ នៅចំនុចកន្លែងចាក់សំរាមមួយកន្លែងស្ថិតនៅក្នុងភូមិទួលពង្រ សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ។

តាមប្រភពដែលស្គាល់ជនរងគ្រោះបានប្រាប់សារព័ត៌មានរស្មីជាយដែនយើងឲ្យដឹងថា ជនរងគ្រោះឈ្មោះ ឈាន សុីណា ហៅ(ម៉ៅ) ភេទប្រុស អាយុ៣៦ឆ្នាំ មានស្រុកកំណើតនៅភូមិតាបែន ឃុំតាបែន ស្រុកស្វាយចេក ខេត្តបន្ទាយមានជ័យ ហើយមកជួលផ្ទះស្នាក់នៅក្នុងភូមិប៉ាលិលេយ្យ២ សង្កាត់ប៉ោយប៉ែត ក្រុងប៉ោយប៉ែត បន្ទាយមានជ័យ មានមុខរបរជាអ្នករត់ម៉ូតូឌុប ត្រូវបានចោរប្លន់ម៉ូតូរម៉ាក់dream សេរីឆ្នាំ 2016 ពណ៏ខ្មៅស្លាកលេខបន្ទាយមានជ័យ 1k:7854 ។

តាមប្រភពបន្តថា នៅវេលាម៉ោង៩:៣០នាទីយប់ ជនរងគ្រោះ បានដឹកជនសង្ស័យពីចំនុចផ្សារត្រីទៅពេទ្យបង្អែកប៉ោយប៉ែត (ពេទ្យដីថ្មី)  លុះទៅដល់ចំនុចមន្ទីរពេទ្យបង្អែក ត្រូវបានជនសង្ស័យប្រាប់ឲ្យជិះបន្តទៅមុខទៀត ពេលទៅដល់ចំនុចកើតហេតុដូចខាងលើ ជនសង្ស័យបានដកកាំបិតចាក់ចំឆ្អឹងជំនីផ្នែកខាងស្តាំគោលបំណងសម្លាប់បំបិទមាត់ បន្ទាប់មកជនរងគ្រោះនិងជនសង្ស័យបានវាយតប់គ្នាមួយសន្ទុះហើយជនសង្ស័យក៏បានជិះម៉ូតូគេចខ្លួនបាត់ស្រមោលភ្លាមៗ ។ បន្ទាប់មកទៀតជនរងគ្រោះបានរត់រកឲ្យពលរដ្ឋនៅក្បែរកន្លែងកើតហេតុជួយ ហើយត្រូវបានអ្នកភូមិនៅក្បែរនោះដឹកទៅសង្គ្រោះនៅមន្ទីរពេទ្យបង្អែកប៉ោយប៉ែត ដោយសារអាការៈធ្ងន់ធ្ងរពេកខាងមន្ទីរពេទ្យបានបញ្ជួនសង្រ្គោះបន្តនៅមន្ទីរពេទ្យបង្អែកស្រុកមង្គលបូរី។ ប្រភពបន្ថែមថា ក្រោយពីឌុកទ័រធ្វើការវះកាត់សង្កេតឃើញថា ជនរងគ្រោះត្រូវបានជនសង្ស័យចាក់និងកាំបិតជំរៅប្រហែលមួយចង្អុលដៃ ហើយដាច់ថ្លើមអស់មួុយចំនិត ខណ:ពេលនេះជនរងគ្រោះនៅមិនទាន់ដឹងលទ្ធផលច្បាស់នៅឡើយនោះទេថា អាចរួចផុតពីគ្រោះថ្នាក់រឺក៏អត់។

នៅព្រឹកថ្ងៃទី៣០ ខែតុលា ឆ្នាំ២០១៩ លោក ប្រិម សុផល មេប៉ុស្តិ៍នគរបាលរដ្ឋបាលសង្កាត់ផ្សារកណ្តាល បានប្រាប់សារព័ត៌មានយើងឲ្យដឹងថា ពិតជាមានករណីចោរប្លន់ពិតប្រាកដម៉ែន ហើយនៅពេលនេះលោកមិនទាន់កំណត់មុខសញ្ញាជនសង្ស័យបាននោះទេពាក់ព័ន្ធបញ្ហាខាងលើលោកកំពុងបន្តស្រាវជ្រាវ ៕

ព័ត៌មានគួរចាប់អារម្មណ៍

អភិបាលខេត្តកំពង់ចាម បើកកិច្ចប្រជុំបន្ទាន់ ពាក់ព័ន្ធករណីកម្មករ កម្មការីនី ប៉ះពាល់​នឹងអ្នក​ជំងឺកូវី​ដ-១៩ រស់នៅស្រុក​ពារាំង (រស្មីជាយដែន)

ព័ត៌មានគួរចាប់អារម្មណ៍

ជនជាតិវៀតណាម​ចំនួន​០៧នាក់(ស្រី០៥នាក់) ត្រូវបានឃាត់ខ្លួនបញ្ជូនទៅធ្វើចត្តាឡីស័ក ដោយ​ឡែកជ​នជាតិខ្មែរជាអ្នកផ្តល់ម​ធ្យោបាយនាំផ្លូវ ត្រូវបាន​កសាងសំណុំ​រឿងបញ្ជូនទៅតុលាការ ដើម្បីចា​ត់ការបន្ត (រស្មីជាយដែន)

ព័ត៌មានគួរចាប់អារម្មណ៍

ឯកឧត្តម គង់ សោភ័ណ្ឌ បញ្ជាដល់ក​ងកម្លាំងទាំងបី អាជ្ញាធរក្រុងតាខ្មៅ ត្រូវបន្តអ​នុវត្តដាច់​ខាតនូវ​សេ​ចក្ដីស​ម្រេច​របស់រាជរដ្ឋាភិបាល ដើម្បីទប់ស្កាត់ការឆ្លងរាល​ដាលនៃជំងឺកូវីដ-១៩ (រស្មីជាយដែន)

ព័ត៌មានគួរចាប់អារម្មណ៍

អាជ្ញាធរ​ក្រុងប៉ោយ​ប៉ែត បន្តចុះ​ណែនាំ​ដល់​អាជីវករ​លក់ដូរនៅតាមផ្សារ ក្នុង​ភូមិ​សាស្ត្រ​ក្រុងប៉ោយប៉ែត​ឲ្យអនុវត្ត​តាមវិធាន​កា​ររបស់ប្រមុខរាជរដ្ឋាភិបាល (រស្មីជាយដែន)

ព័ត៌មានគួរចាប់អារម្មណ៍

អភិបាលខេត្តបន្ទាយមានជ័យ ចុះណែនាំដល់ប្រ​ជាពលរដ្ឋ និង​អាជីវករលក់ដូរនៅ​ក្នុងផ្សារ​មង្គលបូរី ​ឲ្យ​អនុវត្តតាមវិធាការ​របស់ក្រសួងសុខា​ភិបាល និង​ប្រមុខរាជរដ្ឋាភិបាលកម្ពុជា ​ឲ្យបានខ្ជាប់ខ្ជួន (រស្មីជាយដែន)

វីដែអូ

ចំនួនអ្នកទស្សនា

ថ្ងៃនេះ :
9640 នាក់
ម្សិលមិញ :
7065 នាក់
សប្តាហ៍នេះ :
48006 នាក់
ខែនេះ :
233511 នាក់
3 ខែនេះ :
732217 នាក់
សរុប :
2982719 នាក់